Kab sekmeitu jaunīšu interesi par myusu dīnu Latvejā nūtīkūšajim socialajim i literarajim procesim, kai ari mudynuotu taišni jaunīšus kai nuokūtnis sabīdreibys daļu dūmuot i izsaceit sovu redziejumu par šudiņdīnys pasauli i juo puormainem, bīdreiba “Latgolys Studentu centrs” izsludynoj stuostu konkursu.
Teik gaideiti stuosti par myusu dīnom, kurūs teik pausts jaunīšu redziejums iz myusu laika Latveju, kasdīnys dzeivis nūvāruojumi, sovs vīdūklis i pozitivys izejis mekliejumi — dzeivē voi fantazejā, pa smīklam voi nūpītnai.
Konkursā var pīsadaleit školāni, studenti i jaunīši da 25 godu vacuma. Stuosti īsnīdzami latgalīšu rokstu voi latvīšu literarajā volūdā.
Rodūšūs dorbu konkursa aizdavums
Veicynuot jaunīšūs interesi par myusu dīnu Latvejā nūtīkūšajim socialajim, ekonomiskajim procesim, meklejūt myusu laika rakstureiguokuos paruodeibys, i sekmēt jūs leidzdaleibu, viertejūt ituos paruodeibys i snīdzūt rysynuojumu, kai pasauli i dzeivi iz prīšku padareit lobuoku. Rūsynuot jaunīšu interesi par Latgolu i par ūtrū Latvejis rokstu volūdu, taidā veidā sekmejūt sabīdreibys toleranci. Snīgt pyrmuos publikacejis īspiejis talanteigim jaunajim autorim.
Konkursa temats: jaunīši teik aicynuoti raksteit stuostus par myusu dīnom ar laimeigom beigom.
Konkursa parāds
* Konkursā var pīsadaleit jaunīši: pamatškoļnīki (7.-9. klase), vydsškoļnīki, studenti vacumā da 25 godu.
* Dorbus var īsnīgt latvīšu literarajā voi latgalīšu rokstu volūdā; latvīšu literarajā volūdā īsnīgtī dorbi tiks tulkuoti iz latgalīšu rokstu volūdu.
* Stuosti īsnīdzami salosamā rūkrokstā voi datorrokstā (atstarpe 1,5, burtu izmārs 12).
* Stuosta garums: leidz 1000 vuordim voi apmāram 2 puslopys.
Vierteišonys parāds
* Konkursam īsnīgtūs dorbus viertej bīdreibys “Latgolys Studentu centrs” vaļde i juos pīaicynuotuos personys.
* Konkursa dorbi teik vārtāti atseviški 3 grupuos: pamatškoļnīki, vydsškoļnīki i studenti.
* Plagiati i tematam naatbylstūši dorbi nateik vārtāti. Dorbūs paustais vīdūklis var nasakrist ar konkursa reikuotuoju vīdūkli. Dorbi nateik syuteiti atpakaļ autorim. Autortīseibys pīdar rodūšūs dorbu autorim, a konkursa reikuotuojim pīdar tīseibys publicēt konkursa dorbus pylnā voi saeisynuotā versejā.
Dorbu īsyuteišona
Rodūšūs dorbus syuteit bīdreibys “Latgolys Studentu centrs” Reigys birojam, Antonejis īlā 8-3/6, Reiga, LV-1010, ar nūruodi ”Rodūšūs dorbu konkursam” da 2009. goda 21. decembra (posta zeimūgs, syutūt pa postu) voi iz e-postu: lgsc@inbox.lv.
* Lyudzam nūruodeit: vuordu, uzvuordu, vacumu, vuiceibu īstuodi, e-postu i kontakteleponu.
Rezultati i apbolvuošona
Lobuokī dorbi tiks publiceiti stuostu izlasē i portalā www.lakuga.lv.
* Rezultatu paziņuošona 2010. goda janvarī, apbolvuošona 2010. goda pavasarī Reigā gruomotys prezentacejis laikā.
.jpg)
.jpg)
