26.julī sešuos stuņdēs vokora muzejā “Kolnasāta” saīts nūvoda Annom, sarunys par dzeivi i dzeju ar nūvoda dyžuokū Annu - Annu Rancāni, dzīsmis i jaunūs uļbiku nūbaudiešona. 1994. godā tīši Sakstagolā tyka atsuokta Annys dīnys tradiceja, partū šūgod Rēzeknis nūvoda Annys teik aicynuotys otkon cīmā.
Tyvojās Annys dīna, kas Latgolā vēļ leidz myusdīnom saglobovuse divkuoršu simbo- lisku spāku. Nu vīnys pusis tū nūdrūšynoj folkloriskuos tradicejis - Annys dīna kai saimineicu gūdynuošonys dīna, kod vysam juobyuņ spūdruokam i sakūptuokam kai kasdīnā. Nu ūtrys pusis ari bazneica ir styprynovuse Annys dīnys nūzeimi, gods nu goda atzeimejūt svātuos Annys dīnu.
Izaruoda, ka Annys dīnys svineibys Latgolā ir atdzimušys 20. godsymta 90. godūs, kod Sakstagola pogosta “Kolnasātys” muzeja vadeituojis īrūsmei atsasauce dzejneica Anna Rancāne i 1994. godā tika sareikuots Annys dīnu pasuokums Kolnasātā. Kai Annys dīnai parosts, beja gosti, skanēja dzīsmis, nūbaudeja jaunū ražu, atcerējās senejus ticiejumus i paražis. Tagad Annys dīnys svineibys jau bogoteigi puorstuovātys vysā Latgolā. Tū sviņ Dagdā, Bēržgalē, kur atsarūn sv. Annys bazneica, ari cytūs pogostūs i nūvodūs.
Ari šūgod Annys dīnys programma drūši viņ puorsteigs daleibnīkus dažaiduos Latvejis mo- luos ar jaunom īspiejom i emocionalom sasatikšonom. Iz vīnu nu taidim saītim teic aicynuots ari Tu. Sakstagola pogosta muzejā “Kolnasāta” 26. julī sešuos stuņdēs vokora otkon teik reikuots Annys dīnys pasuokums. Tei ir gon taida kai nalela Annys dīnys jubileja, nu pyrmuo pasuokuma paguojuši 15 godi, gon īspieja sasatikt nūvoda Annom, ari veids, kai pateikt sirsneigus i emocionali navīnnū- zeimeigus vuordus vīnai nu myusu nūvoda dyžuokajai ituo vuorda nesiejai - Annai Rancānei.
Vokora gaitā byus Annu gūdy- nuošona, partū prīcuosimēs par kotru Rēzeknis nūvoda Annu, kas īsarass gostūs itamā dīnā, byus sasadzīduošanuos, kū nūdrūšynuos folklorys kūpys nu Rogovkys, Sakstagola i Rēzeknis, byus sarunys, dzeja i īspiejis ekspresvaicuojumim Annai Rancānei. Byus ari… Tys nūteikti byus, ka pats / poša īsarassi i jemsi emocionalu daleibu itamā pasuokumā. Ka Annuos lej leits, tod… Tu vēļ nazini? Tod sasatiksim Kolnasātā, lai uzzynuotu!
Pasuokumu atbolsta Rēzeknis nūvoda pašvaļdeiba, Sakstagola i Nautrānu pogosta puorvaļdis, Rēzeknis Augstškola.
Muzeja “Kolnasāta” saime
.jpg)
.jpg)
