Jaunīšu rodūšūs dorbu konkursa par Latgolu nūlykums

Kab sekmeitu jaunīšu interesi par Latgolys kulturviesturi i niulenejū dzeivi, bīdreiba „Latgolys Studentu centrs” izsludynoj jaunīšu ro- dūšūs dorbu konkursu par Latgolu.

Konkursam ir divejis dalis: eseju konkurss i vizualūs dorbu konkurss.

Rodūšūs dorbu konkursa aizdavums

Vyspuorejais aizdavums - veicynuot Latgolys jaunīšūs interesi par sova nūvoda kulturu, viesturi, nūzeimeigom personeibom, volūdu i sabīdriski politiskim procesim.
Eseju konkursa aizdavums - rūsy- nuot jaunīšus izsaceit sovys puor- dūmys latgalīšu rokstu volūdā, tai sekmejūt rokstu volūdys tradicejis nūsastyprynuošonu Latgolā.
Vizualūs dorbu, par pīmāru, plakatu i karikaturu, konkursa aizdavums - paust sovu vīdūkli par myus- dīnu i viesturiskajim procesim, izmontojūt vizualuos muokslys tehnikys.

Eseju konkursa temati:
1. Kaidys personeibys vīta Latgolys kulturviesturē i juos davums.
2. Nūzeimeigs nūtykums Latgolys kulturviesturē.
3. Myusudīnu leluokuos problemys Latgolā i jūs rysysnuojumi.
4. Vīzeja par Latgolu i latgalīšim 2059. godā.
5. Latgola — zyrgs voi mašyna?
Vizualūs dorbu konkursa temati:
1. Nūzeimeigs nūtykums Latgolys kulturviesturē.
2. Myusudīnu leluokuos problemys Latgolā i jūs rysysnuojumi.
3. Latgola i latgalīši 2009. godā.
4. Latgola — zyrgs voi mašyna?

Konkursa parāds:
* Konkursā var pīsadaleit jaunīši: pamatškoļnīki (7.-9.klase), vydsškoļnīki, studenti vacumā da 25 godu.
* Dorbus var īsnīgt latvīšu i latgalīšu rokstu volūduos (dorbim, kuri raksteiti latgalīšu rokstu volūdā, byus papyldu punkti i klaidys natiks jimtys vārā).
* Eseja īsnīdzama salosamā rūkrokstā voi datorrokstā (atstarpe 1,5, burtu izmārs 12).
* Esejis garums: leidz 1500 vuordim voi apmāram 3-5 lpp.
* Vizualūs dorbus var taiseit vysaiduos tehnikuos.

Vierteišonys parāds:
* Konkursam īsnīgtūs dorbus vērtēs bīdreibys “Latgolys Studentu centrs” vaļde i juos pīaicynuotuos personys.
* Esejis i vizualī dorbi tiks vārtāti atseviški 3 grupuos: pamatškoļnīki, vydsškoļnīki i studenti.
* Plagiati i tematam naatbylstūši dorbi natiks vārtāti. Dorbūs paustais vīdūklis var nasakrist ar konkursa reikuotuoju vīdūkli. Dorbi natiks syuteiti atpakaļ autorim. Autortīseibys pīdar rodūšūs dorbu autorim, a konkursa reikuotuojim pīdar tīseibys publicēt vizualūs dorbus i esejis pylnā voi saeisynuotā versejā.

Dorbu īsyuteišona
* Rodūšūs dorbus syuteit bīdreibys “Latgolys Studentu centrs” Reigys birojam, Antonijas ielā 8-3/6, Rīga, LV - 1010 ar nūruodi ”Rodūšūs dorbu konkursam” da 2009. gods 10. apreļa (posta zeimūgs, syutūt pa postu) voi iz e-postu: lgsc@inbox.lv.
* Lyudzam nūruodeit: vuordu, uzvuordu, vacumu, vuiceibu īstuodi, e-postu i kontakteleponu.
Rezultati i apbolvuošona
* Lobuokī dorbi tiks publiceiti www.lakuga.lv
* Rezultatu paziņuošona 2009. gods 20. aprelī, apbolvuošona 2009. gods 25. aprelī Rēzeknē.